Бүгінде қарапайым екпенің көмегімен алдын алуға болатын қызылша ауруы қайтадан белең ала бастады
Бүгінде қарапайым екпенің көмегімен алдын алуға болатын қызылша ауруы қайтадан белең ала бастады. Вакцинациядан бас тарту ұжымдық иммунитеттің төмендеуіне әкеліп, ең алдымен жоспарлы екпе жасататын жасқа әлі жетпеген бүлдіршіндердің денсаулығына қауіп төндіреді. Қостанай облысында жыл басынан бері қызылшаның 300-ге жуық жағдайы тіркелген. Соңғы айларда аурушаңдық бойынша эпидемиологиялық жағдай жақсарғанымен, медицина мамандары ата-аналармен түсіндіру жұмыстарын жалғастырып, вакцинацияның маңыздылығын еске салуда.



