Өңірде аяқталған егін жинау науқанының қорытындысы шығарылды
Қостанай облысында астық сапасы жақсарып келеді. Өңірде аяқталған егін жинау науқанының қорытындысы шығарылды. Биыл элеваторларға тапсырылған бидайдың 63 пайыздан астамы үшінші сұрыпқа жатқызылды. Егін жинау жұмыстары белгіленген мерзімде аяқталды. Қазірдің өзінде диқандар келер жылғы көктемгі дала жұмыстарын қаржыландыруға өтінім беріп жатыр. Алайда жеңілдетілген несие алған шаруашылықтардың барлығы бірдей бұрын қабылдаған міндеттемелерін орындамаған.



