Қасым-Жомарт Тоқаев «Таза Қазақстан» акциясы аясында ғимараттарға рұқсатсыз граффити салатындарға қатаң шара қолданып, бұл әрекетке заң жүзінде толық тыйым салуды тапсырды

Қасым-Жомарт Тоқаев «Таза Қазақстан» акциясы аясында ғимараттарға рұқсатсыз граффити салатындарға қатаң шара қолданып, бұл әрекетке заң жүзінде толық тыйым салуды тапсырды. Мемлекет басшысы мұндай қылықты вандализм мен бұзақылықтың сорақы көрінісі деп атап, тиісті нормативтік шаралар қабылдау қажеттігін мәлімдеген болатын. Нәтижесінде бұл әрекеттер қатаң бақылауға алынып, жауапкершілік күшейтілді. Қостанай облысында акция басталғалы бері жүздеген заңсыз граффити фактісі анықталып, дереу жойылды. Тәртіп сақшылары бейнебақылау камералары арқылы құқық бұзушыларды әшкерелеуде.