3 ірі байланыс операторы сигналы рұқсат етілген деңгейден асып кеткені үшін жауапкершілікке тартылды

Қостанай облысында үш ірі ұялы байланыс операторы түзету мекемелерінің аумағына тараған сигналы рұқсат етілген деңгейден асып кеткені үшін жауапкершілікке тартылды. Заңбұзушылық прокуратура, радиожиілік қызметі және қылмыстық-атқару жүйесі өкілдерінің бірлескен тексеруі барысында анықталған. Бұл жай ғана формалды талап емес. Себебі бұған дейін сотталғандар ұялы байланысты қылмыстық әрекеттер жасау үшін пайдаланған. Солардың бірінде алаяқтық салдарынан келтірілген шығын көлемі төрт миллион теңгеден асқан.