Қостанай облысында мүмкіндігі шектеулі жандар арасында спорт фестивалі өтіп жатыр

Қостанай облысында мүмкіндігі шектеулі жандар арасында спорт фестивалі өтіп жатыр. Жарысқа өңірдің әр ауданы мен қаласынан келген спортшылар қатысуда. Олардың арасында спортты енді бастағандар да, талай додада топ жарған тәжірибелі атлеттер де бар.
Қатысушылар спорттың бірнеше түрінен бақ сынайды. Бағдарламада дойбы, ұлттық ойындар, паражеңіл атлетика және үстел теннисі бар. Басты мақсат – мүмкіндігі шектеулі жандарды бұқаралық спортқа тарту арқылы белсенді өмір салтын қалыптастыру.