Қазақстандағы жүргізушілерге техникалық ақау салдарынан негізсіз айыппұлдар салынды

Қазақстандағы жүргізушілерге техникалық ақау салдарынан негізсіз айыппұлдар салынды. Бірыңғай әкімшілік құқықбұзушылықтар тізілімінің ақпараттық жүйесінде орын алған іркіліске байланысты Ішкі істер министрлігі ресми мәлімдеме жасады. Ведомство өкілдері жүйелік қателік кесірінен қалыптасқан барлық ұйғарымдардың толық анықталғанын және автоматты түрде жойылатынын хабарлады. Сонымен қатар, бұл қате айыппұлдарды төлеп үлгерген азаматтарға қатысты да арнайы шешім қарастырылуда. Қазіргі уақытта полиция қызметкерлері аталмыш қаражатты жүргізушілерге қайтару тетігін пысықтап жатыр.