Амангелді тұрғын үй алабында биыл 20 шақырымнан астам электр желісі жаңартылады

Амангелді тұрғын үй алабында биыл 20 шақырымнан астам электр желісі жаңартылады. Жұмыстар күзде басталады. Осыған байланысты, шағын ауданнның тұрғындарына электр қуатының уақытша өшірілетіні ескертілді. Негізгі мақсат -электр желілерін тұрғын үйлер орналасқан аумақтардан қауіпсіз әрі талапқа сай жерлерге көшіру. Бұл жұмыстар елді мекендегі электрмен қамту жүйесінің тұрақтылығын арттырып, апатты жағдайлардың алдын алуға мүмкіндік береді.