Қостанай өңірінде бау-бақша алқаптары алғашқы өнімін бере бастады

Қостанай өңірінде бау-бақша алқаптары алғашқы өнімін бере бастады. Диқандар ерте пісетін картоп, сәбіз, қызанақ, қияр, баялды және өзге де көкөністерді жинауға кірісті. Биылғы қолайлы ауа райы мол өнім алуға жол ашты. Әзірге шаруалар көкөніс науқанын қыздырып жатса, ірі ауыл шаруашылығы кәсіпорындары жылдың басты науқаны – астық жиын-терімге дайындықтың соңғы кезеңіне шықты. Ауыл шаруашылығы басқармасының мәліметінше, дәнді дақылдарды жаппай ору жұмыстары шамамен тамыздың 10-ы шамасында басталады деп жоспарлануда.