Елімізде қылмыс деңгейі төмендеп, құқықтық тәртіп нығая түсті

Елімізде қылмыс деңгейі төмендеп, құқықтық тәртіп нығая түсті. Ішкі істер министрлігінің қорытындысы бойынша, бірінші жартыжылдықта тіркелген құқық бұзушылықтар саны 10 пайызға азайған. Әсіресе, кісі өлімі мен тонау сияқты ауыр қылмыс түрлерінің беті жедел ашылып, қоғамда үлкен резонанс тудырған бірқатар істер нәтижелі тергелді. Жыл басынан бері іздеуде жүрген 650-ден астам қылмыскер қолға түсіп, жүздеген қылмыстық топтың жолы кесілді.