Қостанай ауданында “Каменное” көлі маңы қоқыстан тазартылды

Әлеуметтік желідегі шағымнан кейін әкімдік жедел іске көшті. Қостанай ауданында “Каменное” көлі маңы қоқыстан тазартылды. Соңғы уақытта бұл демалыс орны әлеуметтік желі қолданушыларының қызу талқысына түскен болатын. Желідегілер көл жағасындағы бейберекет шашылған қоқысқа наразылықтарын білдіріп, тазалық мәселесін ашық айтып шағымданған. Осыған байланысты әкімдік арнайы тазалық акциясын ұйымдастырып, бір сағат ішінде көл жағасын қоқыстан арылтты.