Қостанайда боччадан облыстық ашық турнирдің жалауы желбіреді

Тобыл төрінде — мергендер додасы! Қостанайда боччадан облыстық ашық турнирдің жалауы желбіреді. Астана, Петропавл және өңір аудандарынан жиналған 70-ке жуық спортшы өзара мықтыны анықтауда. Айта кетерлігі, бұл жолғы бәсеке Паралимпиадалық талаптарға сай, 7 спорттық санат бойынша өтуде. Дәлдік пен стратегияны ұштастырған пара-атлеттер тек жеңіс үшін емес, облыс құрамасына еніп, республикалық чемпионатқа жолдама алу үшін барын салуда.