Қостанайда «IQanat» олимпиадасының екінші кезеңі өтті

Қостанайда «IQanat» олимпиадасының екінші кезеңі өтті. Тек ауыл мектептерінің оқушыларына арналған бұл жоба қатысушыларға тың мүмкіндіктер сыйламақ. Биыл өңірлік іріктеуге облыстың әр ауданынан 400-ден астам үміткер қатысты. Олимпиада жеңімпаздары еліміздегі ең беделді мектептердің бірінде білім алуға, сондай-ақ тәжірибелі менторлардың қолдауына ие болады. Тәлімгерлер оқушыларды ҰБТ-ға дайындап қана қоймай, заманауи студентке қажетті дағдыларды меңгеруге де көмектеспек.