Қостанайда кәмелетке толмаған жасөспірімді іздеу жұмыстары бір аптадан асты

Қостанайда кәмелетке толмаған жасөспірімді іздеу жұмыстары бір аптадан асты. 17 жастағы колледж студенті наурыздың 17-сі күні жатақханадан шығып кетіп, содан бері хабар-ошарсыз кеткен. Туыстары полицияға арызданған бойда арнайы қызмет өкілдері жедел іздестіруге кірісті. Тәртіп сақшыларына ІІМ академиясының курсанттары, әскери қызметшілер мен еріктілер көмекке келген. Қазіргі уақытта іздеу жұмыстары қала шетінде жүргізіліп жатыр.