Дубайда жүрген Қазақстан азаматтары, соның ішінде Қостанай тұрғындары да, туған елге аман-есен оралуын күтуде

Дубайда жүрген Қазақстан азаматтары, соның ішінде Қостанай тұрғындары да, туған елге аман-есен оралуын күтуде. Қазіргі таңда Таяу Шығыста әскери қақтығыстар салдарынан жағдай тұрақсыз және қауіпті. Туроператорларының хабарлауынша, кеше Біріккен Араб Әмірліктерінен алғашқы рейстер ұйымдастырылды. Ол 28 ақпан мен 1 наурызда ұшуы кейінге шегерілген отандастарымызға арналған. Әсіресе, бірінші кезекте, балалар,қарттар мен мүмкіндігі шектеулі жандарға жағдай жасалуда. Елге қайтару шаралары жоспарлы әрі рет-ретімен жүргізіліп жатыр.