Жыл басынан бері Қостанай қаласындағы «Айкөмек» бірыңғай байланыс орталығына қаңғыбас жануарлар мәселесі бойынша 267 өтініш тіркелді

Жыл басынан бері Қостанай қаласындағы «Айкөмек» бірыңғай байланыс орталығына қаңғыбас жануарлар мәселесі бойынша 267 өтініш тіркелді, оның 60-қа жуығы тек соңғы бір аптаның ішінде түскен. Тұрғындар тарапынан түскен шағымдардың көбеюімен қатар, адамдарды ит қабу деректерінің тіркелуі жағдайдың күрделі екенін көрсетіп отыр. Қала әкімі Марат Жүндібаев аталған мәселені шешу жауапкершілігі енді тікелей жергілікті әкімдікке жүктелгенін атап өтті. Дегенмен, қала басшысы қолданыстағы заңнама талаптары жергілікті атқарушы органның жағдайға түбегейлі әрі шұғыл ықпал ету мүмкіндіктерін айтарлықтай шектейтінін, бұл мәселені реттеуде белгілі бір құқықтық кедергілер бар екенін түсіндірді.