Қазақстанда зейнетақы жинақтарының артығын пайдалану ережелері өзгертілді

Қазақстанда зейнетақы жинақтарының артығын пайдалану ережелері өзгертілді. Бұған дейін зейнетақы жинақтары есебінен ипотека бойынша ай сайынғы төлемді толық өтеуге мүмкіндік болса, енді бұл қаражат тек негізгі қарызды жабуға бағытталады. Сонымен қатар, зейнетақы қаражаты аударылмас бұрын, шотта пайыздық төлемді жабуға жеткілікті сома болуы тиіс. Осыған байланысты «Отбасы банк» ипотекалық берешекті ішінара немесе толық өтеу үшін зейнетақы жинақтарының артығын пайдалануға өтінім қабылдауды уақытша тоқтатқанын хабарлады.