Қазақстан Президенті әлеуметтік саладағы қаржылық ағындарды реттеуді Қаржылық мониторинг агенттігіне тапсырды

Қазақстан Президенті әлеуметтік саладағы қаржылық ағындарды реттеуді Қаржылық мониторинг агенттігіне тапсырды. Қасым-Жомарт Тоқаев аталған ведомство қызметкерлерімен кеңес өткізді. Мемлекет басшысы елде ауқымды реформалар жүргізілген кезеңде, бес жыл бұрын құрылған агенттіктің өзіне жүктелген міндеттерді табысты орындап отырғанын атап өтті. Сонымен қатар Президент қадағалау органы қызметіне цифрлық тәсілдер мен жасанды интеллект жүйелерін кеңінен енгізу аса маңызды міндет екенін еске салды және бизнеске кедергі келтіргені үшін жауапкершілік қарастырылатынын ескертті.