Пәтер иелеріне 2028 жылға дейін деректерді қашықтықтан жіберетін су есептегіштерін орнату талабы қойылды

Пәтер иелеріне 2028 жылға дейін деректерді қашықтықтан жіберетін су есептегіштерін орнату талабы қойылды. Бұл норма биыл сәуір айында жаңартылған Су кодексінде бекітілген. Құжатқа енгізілген өзгерістер коммуналдық қызметтерді цифрландыру үдерісін жеделдетуді көздейді. Цифрлық есептегіштер түбіртектердегі қателерді азайтып, қызмет көрсетушілер мен тұтынушылар арасындағы даулы жағдайларды қысқартуға мүмкіндік береді. Қостанай қаласының өзінде ғана қазір 137 мың пәтер иесі қолданыстағы механикалық құрылғыларды заманауи үлгідегі есептегіштерге ауыстыруы тиіс.