Өңірде биыл 6,7 млн тонна бидай жиналды

Өңірде биыл 6,7 млн тонна бидай жиналды. Құмар Ақсақалов Үкімет отырысында аймақтағы егін жинау науқанының қорытындысын баяндады. Облыс әкімі 4,1 млн га алқаптан қамбаға 6 млн 734 мың тонна бидай жиналғанын, ал орташа түсім гектарынан 16,5 центнерді құрағанын жеткізді. Құмар Ақсақаловтың сөзінше, соңғы жылдары көктемгі дала және егін жинау жұмыстарына бөлінетін қаржы көлемі тұрақты түрде артып келеді. Соның нәтижесінде ауыл шаруашылығы техникасы жаңартылып, тыңайтқыштар мен жанар-жағармай материалдарына қолжетімділік жақсарып, жалпы шығымдылық көрсеткіші жоғарлаған.