Қостанайда қыркүйек айындағы күтпеген қарлы боранның салдарын жою жұмыстары әлі жалғасып жатыр

Қостанайда қыркүйек айындағы күтпеген қарлы боранның салдарын жою жұмыстары әлі жалғасып жатыр. Қала көшелерінде әлі күнге дейін сынған ағаш бұтақтарын көруге болады. Қостанай қалалық тұрғын үй-коммуналдық шаруашылығы бөлімінің мәліметінше, олар біртіндеп шығарылып жатыр. Дегенмен, келтірілген залалдың нақты көлемін бағалау әзірге мүмкін емес. Ал басқарушы компаниялар аулаларда зардап шеккен ағаштарды кесу және шығару жұмыстарына асығар емес. Оған жұмыс көлемінің көптігі мен қызмет құнының қымбаттығы себеп дейді.