38 самокатшы жол ережесін сақтамағаны үшін айыппұл арқалады

38 самокатшы жол ережесін сақтамағаны үшін айыппұл арқалады. Қостанай облысында «Қауіпсіз жол» республикалық жедел профилактикалық шарасы жалғасып келеді. Акция аясында 3 мыңға жуық жосықсыз жүргізуші мен 300-ден астам жаяу жүргінші жауапкершілікке тартылды. Айыппұл арқалағандардың арасында рөлге мас күйде отырған жүргізушілер, құжатсыз көлік айдағандар мен жолды рұқсатсыз жерден кесіп өткен азаматтар бар. Сондай-ақ, мопед пен самокат тізгіндеп, жол ережесін бұзғандар да анықталды.