16 шілдеге дейін өңірдегі барлық пәтер иелері кооперативтері міндетті түрде қайта тіркеуден өтуі тиіс

16 шілдеге дейін өңірдегі барлық пәтер иелері кооперативтері міндетті түрде қайта тіркеуден өтуі тиіс. Бұл талап тұрғын үй-коммуналдық шаруашылық саласына енгізілген өзгерістерге байланысты. Енді көппәтерлі үйлерді басқарудың тек екі түрі ғана қалмақ: мүлік иелерінің бірлестігі және тікелей бірлескен басқару. Қазіргі таңда облыс бойынша 98 пәтер иелері кооперативі тіркелгенімен, олардың бірде-бірі әлі қайта тіркеуден өтпеген. Әділет департаментінің өкілдері уақыттың тығыз екенін ескертеді. Егер талап орындалмаса, кооперативтер сот шешімімен мәжбүрлі түрде таратылады.