11 тамыздан бастап қайтарымсыз грантқа өтініш қабылдау басталады

11 тамыздан бастап қайтарымсыз грантқа өтініш қабылдау басталады. Биылғы жылдың алғашқы легінде Қостанайда 18 азамат 400 айлық есептік көрсеткіш мөлшеріндегі грантты жеңіп алып, өздерінің бизнес-идеяларын жүзеге асыруға мүмкіндік алды.
Аталған грант – әлеуметтік осал топтарға жататын азаматтарды қолдау мақсатында берілуде. Оған көпбалалы аналар, мүмкіндігі шектеулі жандар, жастар, қандастар және атаулы әлеуметтік көмек алушылар қатыса алады. Екінші легкке қабылдау 11–22 тамыз аралығында өтеді. Қостанайлықтар осы кезеңде Business.enbek.kz порталы арқылы тіркеліп, өтініш бере алады.